Me går læll!

– Valja – Felix – Nanna

Etter nokon skaut og drap fleire personar ved eit skeivt utestad i Oslo, vart Oslo Pride avlyst. Skeivfobisk vald er ikkje nytt, og desse drapa viser nøyaktig kvifor me markerer Pride, for å fortsetje kampen som vart kjempa i New York i 1969. Dette åtaket var eit forsøk på å stilna oss skeive; og når Pride-toget i hovudstaden vert avlyst, kan det virka som dei har lukkast i det.

Men, me lèt oss ikkje stilna; no er det viktigare enn nokon gong at me roper høgt! Difor og til minne om dei me har tapt, gjeng me frå Botsparken kl. 11. 

Me må visa at me ikkje er redde, nett i dag av alle dagar må me ikke gå i skjul, gjøyme oss, no i dag skal me stå i den stolte kamptradisjondn me alltid har måttet stå i.