AtB ignorerer velprova løysningar, til fordel for futuristisk vås


-Berg Enser

I Adresseavisa den 2. oktober 2022, står det at AtB vonar å byggja induktive ladeplater under Trondheim sentrum for å la opp utsleppsfrie metrobussar. Og sjølv om eg støttar målet om å gjera all trafikk utsleppsfri so snøgt som mogleg, meiner eg at løysinga dei vurderer overser eit velprova og overlege alternativ. Altså, eigentleg burde Trondheim byggja trikk framfor metrobuss, men om dei insisterer på desse liksomtrikkane, so er den openbart beste gjerda å gjera dei utsleppsfrie på: trådbuss. I staden for futuristisk svada om dyre og eksperimentelle teknikkar, so kan me lita på ein skråsikker velprova teknologi.

Når me fyrst skal fjerna desse dieselmotorane, bør me gjenga for rimelege og pålitelege bussar. Det er totalt uturvande å sløsa 20 millionar på eit pilotprosjekt, når trådbuss er ein mykje betre løysing på alle plan. Trådbussar har redusert utslepp i verdas byer i over 100 år, og akkurat som elektriske lokomotiv, vert dei berre betre og betre. Dei verklege transportløysingane finnes allereie, og dei heiter bybane og trådbuss. Nok ein gong, må Trondheim sjå til Bergen for korleis ting burde verta gjort.


Leave a Reply

Your email address will not be published. Required fields are marked *